四道牆

一個人居住最悲慘的事情莫過如「對住四boon牆」。我發現大家都異口同聲地說著同一句話︰

大家姐︰「得閒就出去行吓……」，（即是叫你咪成日對住四道牆。）

三家姐︰「我建議你去參加一些興趣班，多點到外面走走……」（或曰︰唔好成日對住四道牆……。 ）

阿妹︰家姐你有冇去XX會？吓你重未去XX會？咁你係屋企……（對住四道牆）做乜野？

我早料到有如此一著，是以我晨早想出了一個妙計，設法令自己不會對住四道牆。

於是最小的妹妹就大笑大叫︰

「唉也！你睇你！邊有人將所有家俬圍住自己架？」

昨天社工來家訪︰

「得閒呢，又有精神嘅話，就去附近周圍行吓，米成日喺間屋度困住自己對住四道牆……。」（終於有人講出口了。）

我立刻更正︰「你錯了，你看！我四邊四面牆都佈滿晒家俬，已經沒有牆可以給我對了！」

溫馨提示︰根據我家裡的擺設是︰左起︰CD地櫃音響電視房門書樻一箱二箱書櫃書枱printer電腦枱房門三桶櫃沙發CD地櫃音響電視房門書櫃一箱二箱……

是不是很熱鬧？

寒舍24小時開放24小時守候包水包電包廁所費用全免食飯自備報名從速。