三千年後

一向喜歡陳慧小姐的文字，關淑怡最近的一首新歌《三千年後》，旁白是琴姐（李香琴），原來出自陳慧小姐的手筆，我一聽便十分喜歡，尢其那段獨白，每次電台一播總讓我定下神來仔細傾聽，想像……很是引人入勝。

大家一直以為是琴姐說故事吸引，於是通通把焦點放在她和作曲人陳輝陽先生；甚至是歌手關淑怡小姐身上，他們頻頻被應邀接受電台訪問，其實我們卻忽略了背後寫這段獨白的作者——陳慧。

旁白中的「你」陳慧小姐並沒有清楚說明與旁白者的關係，聽眾就只能靠想像了，我們或許會猜想，他們可能是情侶，可能是夫妻，可能是母女/子，可能是婆孫；或是朋友……？

喜歡陳慧的作品，原因是她的文字能帶給讀者們有廣闊的想像空間，我最怕是讀到一些文章，作者硬把自己的愛情觀呀人生觀呀乜觀物觀甚至是愛情金句等硬塞進你的腦裡，如同替你洗腦一樣，然後你會不自覺地在自己的文章或言語裡引用了他們的說話，可是自己根本沒有親身經歷過或消化過，那不過是別人的思想，別人的言語，自己的風格欠奉，文章也變得無趣和乏味了，而陳慧小姐的文字常讓人有一種撲朔迷離，攝人的魅力，畫面感十分豐富，讓人不知不覺地走進故事裡。

我家裡甚少亦舒、深雪、張小嫻的書，讀亦舒小說止於中學時期，深雪小姐的小說則從來沒有讀過，張小嫻的書雖有三本，可是有一本只看了一半，另一本則還未開始閱讀，這類型的小說只能消閒解悶，對寫作沒有太大的幫助，也局限了我的思巧及想像空間。

誠意向大家推薦關淑怡的新歌《三千年後》，大家不妨細意咀嚼當中那段獨白吧！

三千年後歌詞
作曲：陳輝陽
填詞：林夕
文︰陳慧
編曲：陳輝陽
監製：陳輝陽

再見
唔好怪我第一句就同你講再見
因為我真係專程黎同你道別
你唔講嘢　
淨係聽我講嘢
嗰陣時個世界好安靜　
無而家咁嘈
襯得我特別吱喳　
特別開心
我記得
同你去睇日落
你會係響我耳仔邊講嘢
你講得好細聲
其實我一啲都聽唔清楚
不過　
我好鍾意聽你甘樣同我講嘢
以後再無人甘樣同過我講嘢
因為你話畀我知你要走
忽然間　
已經過咗好多年
我無再睇過日落

趁熄滅前　
還可一見
蠟成了灰　
沾污了我的臉
眾生蔓延　
淚海被填
浪漫擱淺　
舊歡不變我記得　

你同我去過嘅每一個地方個啲地方
通通留喺我心裡面
我唔會講　
我老喇
我只係會講　
我喺度太耐
時間耐咗難免知道人總會慢慢咁將過去淡忘
又會睇住啲嘢無聲無息咁消失
我點解要走?
我先兩日　
唔知諗緊乜嘢無端端走咗去睇日落
個日落就同我記得陪住你睇既嗰個一樣
不過　
就算我點樣裝出若無其事
我都無辦法唔承認
我失去嘅嘢實在太多

趁熄滅前　
還可一見
蠟成了灰　
沾污了我的臉
眾生蔓延　
淚海被填
浪漫擱淺　
舊歡不變

我要走喇　
如果你記得返我係邊個
我知道　
你一定會好唔捨得我
仲會好掛住我
再見